Daylinews-az.com xəbər verir ki, bu gün Azərbaycan Premyer Liqasının X turunda iki qarşılaşma baş tutacaq. İlk olaraq, “Şamaxı” doğma meydanda “Araz-Naxçıvan”ı qəbul edəcək. Oyun Şamaxı şəhər stadionunda saat 15:30-da start götürəcək. Matçı Fərid Hacıyev idarə edəcək. Hazırda “Şamaxı” komandası 12 xalla turnir cədvəlinin 6-cı pilləsindədir, “Araz-Naxçıvan” isə 17 xalla 3-cü yerdə qərarlaşıb.
Günün ikinci oyununda “Səbail” səfərdə “Neftçi” ilə qarşılaşacaq. Oyun “Neftçi Arena”da saat 18:00-da başlayacaq. Görüşün baş hakimi Rauf Cabarov olacaq. “Səbail” komandası 7 xalla yeddinci pillədədir, “Neftçi” isə 5 xalla doqquzuncu yerdədir.
Azərbaycan Premyer Liqası – II dövrə, X tur
19 oktyabr
15:30. “Şamaxı” – “Araz-Naxçıvan”
Hakimlər: Fərid Hacıyev, Kamran Bayramov, Teymur Teymurov, Kamran Əliyev.
VAR: Nicat İsmayıllı.
AVAR: Akif Əmirəli.
Hakim-inspektor: Feyzulla Feyzullayev.
AFFA nümayəndəsi: Elgiz Abbasov.
Stadion: Şamaxı şəhər stadionu.
18:00. “Neftçi” – “Səbail”
Hakimlər: Rauf Cabarov, Eyyub İbrahimov, Rəhman İmami, Tural Qurbanov.
VAR: Əliyar Ağayev.
AVAR: Zeynal Zeynalov.
Hakim-inspektor: Orxan Məmmədov.
AFFA nümayəndəsi: Seymur Səlimli.
Stadion: “Neftçi Arena”.
Qeyd edək ki, X turda dünən keçirilən “Kəpəz” – “Qarabağ” oyununda Ağdam təmsilçisi 5:0 hesablı qələbə qazanıb.
