Daylinews-az xəbər verir ki, Əmək və Əhalinin Sosial Müdafiəsi Nazirliyinin Kollegiyası 2025-ci il üçün iş vaxtı norması və istehsalat təqvimini təsdiqləyib.
Nazirliyin məlumatına görə, 2025-ci ildə qeyri-iş günləri aşağıdakılardır:
- 1, 2 yanvar – Yeni il;
- 20 yanvar – Ümumxalq Hüzn Günü;
- 8 mart – Beynəlxalq Qadınlar Günü;
- 20, 21, 22, 23, 24 mart – Novruz Bayramı;
- 30, 31 mart – Ramazan Bayramı;
- 9 may – Faşizm üzərində Qələbə Günü;
- 28 may – Müstəqillik Günü;
- 6, 7 iyun – Qurban Bayramı;
- 15 iyun – Azərbaycan xalqının Milli Qurtuluş Günü;
- 26 iyun – Silahlı Qüvvələr Günü;
- 8 noyabr – Zəfər Günü;
- 9 noyabr – Azərbaycan Respublikasının Dövlət Bayrağı Günü;
- 31 dekabr – Dünya Azərbaycanlılarının Həmrəylik Günü.
İş həftəsinin rejimi nəzərə alınaraq qeyri-iş günləri:
- 5 günlük iş rejimi: 3 yanvar, 10, 25 və 26 mart, 1 aprel, 9 və 16 iyun, 10 və 11 noyabr;
- 6 günlük iş rejimi: 25 mart, 1 aprel, 16 iyun və 10 noyabr.
Bildirilib ki, fevral ayı 28 gün, 2025-ci il isə 365 gün təşkil edəcək. Beşgünlük iş həftəsi olan müəssisələrdə 239 iş günü, 105 həftə sonu, 19 bayram günü, 1 bələdiyyə seçki günü və 1 ümumxalq hüzn günü olacaq.
Qeyd edək ki, təsdiqlənmiş iş vaxtı norması və istehsalat təqvimləri Əmək və Əhalinin Sosial Müdafiəsi Nazirliyinin rəsmi saytında “İstehsalat təqvimləri” bölməsində yerləşdirilib.
