Azərbaycan cüdoçuları 11-13 oktyabr tarixlərində Birləşmiş Ərəb Əmirliklərinin paytaxtı Əbu-Dabidə keçiriləcək “Böyük Dəbilqə” turnirində iştirak edəcəklər. Bu nüfuzlu turnirdə 30 ölkədən 232 cüdoçu medallar uğrunda mübarizə aparacaq.
Daylinews-az.com xəbər verir ki, Azərbaycan cüdo üzrə milli yığma komandası yarışda 12 kişi və 2 qadın olmaqla ümumilikdə 14 idmançı ilə təmsil olunacaq. İdmançılar 8 çəki dərəcəsində çıxış edəcəklər. Komandanın böyük məşqçiləri Elçin İsmayılov və Slavko Tekiç (kişilər), qadınlar üzrə baş məşqçi Rəşad Məmmədov rəhbərliyi altında cüdoçular mübarizəyə qoşulacaqlar.
Bundan başqa, yarışda Azərbaycan Cüdo Federasiyasının “A” kateqoriyalı beynəlxalq dərəcəli hakimi Nazim Umbayev də ədalət təmsilçisi olaraq iştirak edəcək.
Azərbaycanın bu turnirdə iştirak edəcək heyəti aşağıdakı kimidir:
Qadınlar
- 48 kq: Leyla Əliyeva
- 57 kq: Acelya Toprak
Kişilər
- 60 kq: Balabəy Ağayev, Hüseyn Allahyarov
- 66 kq: Ruslan Paşayev, Rəşad Yelkiyev
- 73 kq: Rəşid Məmmədəliyev, Nəriman Mirzəyev
- 81 kq: Zelim Tçkayev, Ömər Rəcəbli
- 90 kq: Murad Fətiyev, Musa Hüseynli
- +100 kq: İmran Yusifov, Uşanqi Kokauri
