Bu həftə Azərbaycan Mərkəzi Bankı (AMB) uçot faiz dərəcəsi üzrə növbəti qərarını verəcək.
“APA-Economics”ın məlumatına görə, sentyabrın 18-də AMB bu il ərzində faiz siyasəti ilə bağlı altıncı qərarını açıqlayacaq.
Son iki qərarında AMB-nin İdarə Heyəti uçot dərəcəsini dəyişməz saxlayaraq, onu 7,25%, faiz dəhlizinin aşağı sərhədini 6,25%, yuxarı sərhədini isə 8,25% səviyyəsində qoruyub.
AMB-dən verilən məlumata əsasən, növbəti qərarlar uçot dərəcəsinin saxlanılması və ya artırılması istiqamətində olacaq. Bu, faktiki inflyasiya göstəricilərindən, həmçinin xarici və daxili risk amillərinin dinamikasından asılı olaraq müəyyən ediləcək.
