Oksford Lüğəti 2024-cü ilin sözünü elan edib. Bu il “brain rot” ifadəsi qalib gəlib. “Brain rot” insanın psixi və ya intellektual vəziyyətinin pisləşməsini təsvir edən bir termindir. Bu pisləşmə, əsasən, keyfiyyətsiz və trivial məzmunun həddindən artıq istehlakı nəticəsində baş verir.
The Guardian xəbər verir ki, bu ifadə, xüsusən, sosial şəbəkələrdə fasiləsiz skrollama və aşağı keyfiyyətli məzmunun populyarlığının artması ilə bağlı narahatlıqları əks etdirir.
“Brain Rot” İfadəsinin Tarixi
“Brain rot” termini ilk dəfə 1854-cü ildə, Henri Devid Toro tərəfindən “Walden” adlı kitabında istifadə edilib. Bu ifadə, son illərdə onlayn məzmun istehlakının artması fonunda yenidən populyarlaşaraq, müasir dövrdə yenidən aktual olub.
Digər Naminantlar
Oksford Lüğətində 2024-cü ilin sözü olmaq üçün digər nominantlar arasında bunlar da var idi:
- Demure – sakit və məsuliyyətli davranışı ifadə edir.
- Dynamic pricing – tələbə uyğun olaraq dəyişən qiymət siyasəti.
- Lore – bir şəxs və ya mövzu ilə bağlı fakt və məlumatların məcmusu.
- Romantasy – fantastika və romantikanı birləşdirən ədəbiyyat janrı.
- Slop – süni intellekt vasitəsilə yaradılmış aşağı keyfiyyətli internet məzmunu.
Qalib Seçim Prosesi
Söz seçimi üçün 37 mindən çox insan “brain rot” üçün səs verib. Oksford Universiteti Nəşriyyatı ictimaiyyətin rəyini, şərhləri və digər analitik məlumatları nəzərə alaraq qalibi elan edib.
“Brain rot” bu günün rəqəmsal dünyasında insan psixikasına təsiri ilə bağlı artan narahatlığı əks etdirən güclü bir mesaj kimi qəbul edilir.
