UEFA Avropa Liqasının qrup mərhələsinin III turunda keçiriləcək “Qarabağ” – “Ayaks” matçının biletləri bu gün saat 12:00-da satışa çıxarılacaq.
Daylinews-az.com xəbər verir ki, oyun Tofiq Bəhramov adına Respublika stadionunda baş tutacaq və biletlər 5, 20, 30, 40, 75 və 150 manat qiymətində təklif olunur. VVIP sektorlara (C və D) bilet alan azarkeşlər VIP Lounge üstünlüklərindən yararlana biləcəklər, bu sektorlara biletin qiyməti 300 manatdır.
Azarkeşlər biletləri iTicket.az onlayn platformasından, satış məntəqələrindən, “Qarabağ”ın “Park Bulvar” Fan-Şopundan və stadion kassalarından ala bilərlər. Qarşılaşma oktyabrın 24-də saat 20:45-də başlayacaq.
