Milli Hidrometeorologiya Xidməti noyabrın 19-da gözlənilən hava şəraiti haqqında məlumat yayıb.
Bakı və Abşeron Yarımadası
Bakıda və Abşeron yarımadasında hava şəraitinin dəyişkən buludlu və əsasən yağmursuz keçəcəyi bildirilir. Gecə və səhər bəzi yerlərdə qısamüddətli yağış yağacağı gözlənilir. Xüsusilə yarımadanın bəzi yerlərində yağışın intensivləşməsi ehtimal olunur. Axşam cənub-qərb küləyinin şimal-qərb küləyi ilə əvəz olunacağı qeyd edilir.
- Havanın temperaturu:
Gecə: 9-11° isti
Gündüz: 12-16° isti - Atmosfer təzyiqi: 761 mm civə sütunundan 764 mm civə sütununa yüksələcək.
- Nisbi rütubət: Gecə 70-80%, gündüz 60-65%.
Azərbaycanın Rayonları
Regionlarda hava əsasən yağmursuz olacaq, lakin gündüz bəzi dağlıq ərazilərdə, axşam isə bəzi şərq rayonlarında yağıntı gözlənilir. Bu yağıntı bəzi yerlərdə qar şəklində ola bilər. Ayrı-ayrı ərazilərdə yağıntının intensivləşməsi ehtimal edilir. Həmçinin, bəzi yerlərdə duman müşahidə ediləcək. Şərq küləyi üstünlük təşkil edəcək.
- Havanın temperaturu:
Gecə: 4-8° isti
Gündüz: 14-18° isti
Dağlarda gecə: 2-5° şaxta
Dağlarda gündüz: 2° şaxtadan 3°-dək isti
