Spotify, 2024-cü ilin ən çox dinlənilən sənətçilərini, mahnılarını və albomlarını açıqladı və məlum oldu ki, qadın sənətçilər bu il musiqi dünyasına hakim olublar.
Taylor Swift, 26,6 milyard dinləmə ilə həm qlobal, həm də Böyük Britaniya üzrə ən çox dinlənilən sənətçi titulunu ikinci dəfə qazandı. Onun “The Tortured Poets Department” adlı Grammy namizədliyi qazanan 11-ci studiya albomu, xüsusilə geniş yayım əldə edib. Apreldə təqdim edilən albomda 31 trekdən ibarət “anthology” versiyası yer alır ki, onların hər biri 100 milyondan çox dinləmə sayı toplayıb.
Sabrina Carpenter bu ilki altıncı studiya albomu Short ‘n Sweet ilə parlayaraq “Espresso” adlı hit sinqli ilə qlobal mahnılar siyahısında birinci yeri tutub. Albom 2024-cü ilin ən çox dinlənilən albomları arasında üçüncü yerdə qərarlaşıb. Billie Eilish-in üçüncü albomu Hit Me Hard and Soft isə ikinci ən çox dinlənilən albom olub. Siyahıda Karol G-nin Mañana Será Bonito və Ariana Grande-nin Eternal Sunshine albomları da yer alıb.
Qlobal Ən Çox Dinlənilən Sənətçilər:
- Taylor Swift
- The Weeknd
- Bad Bunny
- Drake
- Billie Eilish
- Travis Scott
- Peso Pluma
- Kanye West
- Ariana Grande
- Feid
Podcastlərdə isə Joe Rogan Experience növbəti dəfə qlobal liderlik edib, ardınca Call Her Daddy, Huberman Lab, This Past Weekend w/ Theo Von və The Diary of a CEO with Steven Bartlett gəlir.
Spotify həmçinin 2024-cü ilin ən çox dinlənilən yazıçılarını da açıqlayıb. Siyahıya Sara J Maas liderlik edir, onu J.R.R. Tolkien və Stephen King izləyir.
2025-ci il Qremmi mükafatının əsas namizədləri də bu yaxınlarda açıqlandı, burada Taylor Swift də özünü fərqləndirdi.
