Çimərlik futbolu üzrə Azərbaycan milli komandası DÇ-2025-in seçmə mərhələsində 3-cü tur oyununu keçirib.
Daylinews-az.com-ın məlumatına görə, yığmamız İspaniyada keçirilən matçda yerli komanda ilə qarşılaşıb. Təəssüf ki, millimiz bu oyunda 0:7 hesabı ilə məğlub olub.
Bundan əvvəlki turlarda Azərbaycan millisi İngiltərəyə 4:0 və Gürcüstana 7:2 hesabı ilə qalib gəlmişdi. Bu nəticələr sayəsində komandamız hazırda A qrupunun turnir cədvəlində 6 xalla 2-ci yerdə qərarlaşıb. Qrup lideri İspaniya 9 xalla turnir cədvəlinin zirvəsindədir. İngiltərə 2 xalla 3-cü, Gürcüstan isə sonuncu yerdədir və xal toplaya bilməyib.
Bu uğurlu çıxışları sayəsində Azərbaycan millisi 1/8 final mərhələsinə vəsiqə qazanıb. Bu mərhələnin oyunları oktyabrın 9-da baş tutacaq. Millimizin rəqibi isə oktyabrın 8-də digər qrupların son oyunlarının nəticələrindən sonra müəyyənləşəcək.
