Azərbaycan Xarici İşlər Nazirliyi (XİN) Türkiyə Respublikasını Cümhuriyyət Günü münasibətilə səmimi təbrik edib.
Daylinews-az.com xəbər verir ki, təbrik mesajında XİN Türkiyənin quruluşunun 101-ci ildönümünü qeyd edərək belə bildirib:
“29 oktyabr – müttəfiq Türkiyə Respublikasının Cümhuriyyət Günündə qardaş ölkəmizin əsasının qoyulmasının 101-ci ildönümünü qeyd edirik. Bu möhtərəm gündə, Türkiyə Respublikasının banisi dahi Mustafa Kamal Atatürkün, Türkiyə Respublikasının yaradılması naminə aparılan mübarizədə canlarını fəda edən şəhidlərimizin, sağlamlıqlarından keçən qazilərimizin əziz xatirəsini yad edirik.
Bölgədə və dünyada ədalət və inkişaf beşiyi olan Türkiyə Respublikası, habelə regionda və beynəlxalq müstəvidə təkrarı olmayan Azərbaycan-Türkiyə qardaşlığı əbədi olaraq yaşayacaq”.
Eyni zamanda, xarici işlər naziri Ceyhun Bayramov “X” sosial şəbəkəsində paylaşım edərək bildirib:
“Bu gün, qardaş və müttəfiq Türkiyə Respublikasının yaradılmasından 101 il ötür. Bu əziz gündə, qardaş ölkəmizin qurucularının, şəhidlərimizin və qazilərimizin əziz xatirəsini dərin ehtiramla yad edir, Türkiyə Respublikasının daha da güclənməsini və inkişaf etməsini arzulayırıq. Bayramınız mübarək!”
