2024-cü ildə Azərbaycan Respublikasının Səfərbərlik və Hərbi Çağırış üzrə Dövlət Xidmətinin 249 əməkdaşı intizam məsuliyyətinə cəlb edilib.
Daylinews-az-ın xidmətdən aldığı məlumata görə, bu şəxslərə qarşı intizam tənbehi və digər tədbirlər tətbiq olunub. Bununla yanaşı, 13 nəfər mənfi tövsiyə ilə ehtiyata göndərilərək əmək müqavilələrinə xitam verilib.
2023-cü ildə də analoji tədbirlər 78 işçiyə qarşı görülüb. Bundan başqa, 2023-cü ildə 22 nəfərlə bağlı 15 fakt, 2024-cü ildə isə 95 nəfərlə bağlı 51 fakt üzrə toplanmış materiallar prosessual baxılmaq üçün Azərbaycan Respublikasının Baş Prokurorluğuna təqdim edilib.
Hökumət Səfərbərlik və Hərbi Çağırış üzrə Dövlət Xidmətinin fəaliyyətinə nəzarəti daha da gücləndirərək qanun və intizam prinsiplərinə sadiq olduğunu vurğulayır.
