10 yanvarda Bakı və Abşeron yarımadasında dəyişkən buludlu hava gözlənilir, əsasən yağmursuz keçəcək. Cənub-şərq küləyi orta sürətlə əsəcək.
Bu barədə Azərbaycanın Ekologiya və Təbii Sərvətlər Nazirliyinin Milli Hidrometeorologiya Xidmətinə istinadən Daylinews-Az məlumat yayıb.
Bakı və Abşeron yarımadasında havanın temperaturu gecə 5-8, gündüz 9-14 dərəcə isti olacaq.
Atmosfer təzyiqi 770 mm civə sütunundan 767 mm civə sütununa enəcək. Nisbi rütubət gecə 80-85%, gündüz isə 65-70% təşkil edəcək.
Azərbaycan rayonlarında əsasən yağmursuz hava müşahidə olunacaq, bəzi yerlərdə duman, qərb küləyi orta sürətlə əsəcək.
Havanın temperaturu rayonlarda gecə -2 ilə +3, gündüz 8-13 dərəcə isti, dağlıq ərazilərdə gecə -3 ilə -8, gündüz isə 3-8 dərəcə isti arasında dəyişəcək.
