Bu gün Misli Premyer Liqasında 10-cu tura yekun vurulub.
Daylinews-az.com xəbər verir ki, son oyun günündə iki qarşılaşma baş tutub.
İlk olaraq “Zirə” doğma meydanda “Sabah”ı qəbul edib. Qarşılaşmanın 7-ci dəqiqəsində qonaqlar Cesse Sekidikanın qolu ilə hesabı açsalar da, Rəşad Sadıqovun rəhbərlik etdiyi kollektiv uzatma dəqiqələrində Giorgi Papunaşvilinin vurduğu qolla hesabı bərabərləşdirib. Oyun 1:1 hesablı bərabərliklə başa çatıb. Bu nəticə ilə hər iki komanda turnir cədvəlindəki mövqelərini qoruyub saxlayıb.
Günün ikinci matçında “Sumqayıt” komandası öz meydanında “Turan Tovuz”u qəbul edib. Vaqif Cavadovun “Sumqayıt”ın baş məşqçisi qismində ilk oyununda Tovuz təmsilçisi 4:2 hesablı qələbə qazanıb. “Turan Tovuz” matçın 16-cı dəqiqəsində Alexandro Serrano, 25-ci dəqiqədə Otto Con və 26-cı dəqiqədə Veysəl Rzayevin qolları ilə erkən üstünlük qazanıb. “Sumqayıt”dan Nikola Vuynoviç 32-ci dəqiqədə cavab qolu vurub, lakin Aleks Souzanın 78-ci dəqiqədə vurduğu qol matçın taleyini həll edib. Kamran Quliyev “Sumqayıt”ın ikinci qolunu 87-ci dəqiqədə vurub, lakin bu, yalnız hesabı fərqləndirmək üçün kifayət edib.
Qeyd edək ki, tur çərçivəsində daha əvvəl keçirilən oyunlarda “Kəpəz” “Qarabağ”a 0:5, “Şamaxı” isə “Araz-Naxçıvan”a 0:1 hesabı ilə məğlub olub. “Neftçi” isə “Səbail”i 3:1 hesabı ilə məğlub edərək 3 xal qazanıb.
Misli Premyer Liqası 10-cu tur
20 oktyabr
“Zirə” – “Sabah” 1:1
Qollar: Giorgi Papunaşvili, 90+1 – Cesse Sekidika, 7.
Hakimlər: Rəşad Əhmədov, Vüsal Məmmədov, Zöhrab Abbasov, Əli Əliyev
Stadion: Zirə Olimpiya İdman Kompleksi
“Zirə” start heyəti:
13. Aydın Bayramov, 7. Məqsəd İsayev, 32. Qismət Alıyev (k), 29. Ceyhun Nuriyev, 4. Ruan Renato, 90. Davit Volkov, 23. Rafael Utziq, 3. Ange Mutsinzi, 15. Pyer Zebli, 18. Junior Martins, 6. Eldar Quliyev
Baş məşqçi: Rəşad Sadıqov
“Sabah” start heyəti:
55. Nicat Mehbalıyev, 17. Tellur Mütəllimov, 2. Amin Seydiyev (k), 6. Abdulax Xaybulaev, 20. Coy Lens Mikels, 18. Pavol Safranko, 40. İqor Noqeyra, 70. Cesse Sekidika, 3. Con İrasabal, 13. İvan Lepiniça, 11. Kahim Parris
Baş məşqçi: Krunoslav Renduliç
“Sumqayıt” – “Turan Tovuz” 2:4
Qollar: Nikola Vuynoviç, 32. Kamran Quliyev, 87 – Alexandro Serrano, 16. Otto Con, 25. Veysəl Rzayev, 26. Aleks Souza, 78.
Hakimlər: İnqilab Məmmədov, Namik Hüseynov, Rahil Ramazanov, Rauf Allahverdiyev
Stadion: Mehdi Hüseynzadə adına Sumqayıt şəhər stadionu
“Sumqayıt” start heyəti:
- Mehdi Cənnətov, 14. Elvin Bədəlov, 7. Rövlad Muradov, 17. Murad Xaçayev, 30. Kamran Quliyev, 8. Səbuhi Abdullazadə, 23. Cordan Rezabala, 6. Vüqar Mustafayev (k), 9. Nikola Vuynoviç, 2. Sərtan Taşkın, 99. Silvanus Nimeli
Baş məşqçi: Vaqif Cavadov
“Turan Tovuz” start heyəti:
- İvan Konovalov, 5. Roderik Miller, 4. Şəhriyar Əliyev (k), 25. Denis Marandiçi, 77. Veysəl Rzayev, 80. Otto Con, 15. Emmanuel Hakman, 23. Aleks Serrano, 88. Faiq Hacıyev, 9. Kristian da Silva, 99. Sadiq Şəfiyev
Baş məşqçi: Kurban Berdiyev
