Serbiyanın “Xəzər-Qara dəniz-Avropa Yaşıl Enerji Dəhlizi”nə qoşulması müzakirə edilib
Azərbaycanın energetika naziri Pərviz Şahbazovun Serbiyanın iqtisadiyyat naziri Adrijana Mesaroviç ilə görüşü zamanı ikitərəfli əməkdaşlığın inkişafı müzakirə edilib.
Daylinews-az.com-in Energetika Nazirliyinə istinadən verdiyi xəbərə görə, bu ilin yanvar-avqust aylarında Azərbaycandan Serbiyaya 32,3 milyon kubmetr qaz tədarük edilib və yeni müqavilələr çərçivəsində bu əməkdaşlıq genişlənməkdədir.
Görüş zamanı Serbiyanın “Xəzər-Qara dəniz-Avropa Yaşıl Enerji Dəhlizi”nə qoşulması, qaz elektrik stansiyasının tikintisi, xam neftin tədarükü və qaz tranziti üzrə əməkdaşlıq imkanları müzakirə edilib. Dekabr ayında Azərbaycanda keçirilməsi planlaşdırılan Biznes Forumu ilə bağlı da fikir mübadiləsi aparılıb.
