Dünya Azərbaycanlılarının Həmrəyliyi Günü və Yeni il bayramı ilə əlaqədar təhsil müəssisələrində tətil başa çatdıqdan sonra ilk dərs günü tarixləri bəlli olub.
Daylinews-az.com xəbər verir ki, bu barədə Məktəbəqədər və Ümumi Təhsil üzrə Dövlət Agentliyi məlumat yayıb.
İlk dərs günləri:
- 5 günlük iş həftəsi ilə işləyən ümumi təhsil müəssisələrində 6 yanvar 2025-ci il
- 6 günlük iş həftəsi ilə işləyən ümumi təhsil müəssisələrində 4 yanvar 2025-ci il
Bayramdan öncə əlavə iş günləri:
Nazirlər Kabinetinin “İş və istirahət günlərinin yerlərinin dəyişdirilməsi haqqında” Qərarına əsasən:
- 5 günlük iş həftəsi ilə işləyən müəssisələrdə:
- 28 dekabr – həftənin bazar ertəsi gününün dərsləri tədris olunacaq.
- 29 dekabr – həftənin cümə gününün dərsləri keçiriləcək.
- 6 günlük iş həftəsi ilə işləyən müəssisələrdə:
- 29 dekabr – həftənin bazar ertəsi gününün dərsləri keçiriləcək.
Bu qərar tədris prosesinin ardıcıllığının təmin olunması məqsədilə qəbul edilib.
