İtalyan dağ xizəksürəni Matilda Lorentsi məşq zamanı yıxılaraq aldığı ağır xəsarətlər nəticəsində dünyasını dəyişib.
Daylinews-az.com xəbər verir ki, bu barədə Beynəlxalq Xizəksürmə və Snoubord Federasiyası (FIS) məlumat yayıb. İdmançının 28 oktyabrda İtaliyanın Val Senale dağında keçirilən məşqi faciə ilə nəticələnib. Matilda Lorentsi təcili xəstəxanaya aparılsa da, onun həyatını xilas etmək mümkün olmayıb.
Qeyd edək ki, Matilda Lorentsi noyabrın 15-də 20 yaşını qeyd edəcəkdi. O, 2024-cü ildə supergigant üzrə İtaliya çempionu olmuşdu.
