Azərbaycanın buğda idxalında Rusiyanın payı əhəmiyyətli dərəcədə üstünlük təşkil edir.
“DailiNews Az”un verdiyi məlumata görə, bu barədə Kənd Təsərrüfatı Nazirliyinin yanında fəaliyyət göstərən Aqrar Tədqiqatlar Mərkəzinin direktor müavini Namiq Şalbuzov, Bakıda keçirilən “İqlim dəyişikliyi fonunda dayanıqlı ərzaq təhlükəsizliyi” adlı konfransda bildirib.
Şalbuzovun sözlərinə görə, 2023-cü il ərzində Azərbaycan ümumilikdə 1 milyon 175 min ton buğda idxal edib ki, bunun 1 milyon 22 min tonu Rusiyadan, 153 min tonu isə Qazaxıstandan alınıb.
Nazirlik rəsmisi əlavə edib ki, Azərbaycanın ümumi buğda tələbatı təxminən 2,8 milyon tondur. Bu tələbatın 1,7 milyon tonu yerli istehsalın, 1,1 milyon tonu isə idxalın payına düşür.
Namiq Şalbuzov həmçinin vurğulayıb ki, ölkənin su ehtiyatları iqlim dəyişikliyindən təsirlənməsinə baxmayaraq, Azərbaycanda buğda və taxıl istehsalının artımı müşahidə edilir.
