Bu gün Azərbaycan Premyer Liqasında I dövrənin sonuna çatılacaq.
“Qafqazinfo”nun verdiyi məlumata görə, IX turun son oyun günündə iki qarşılaşma keçiriləcək.
“Zirə” səfərdə “Turan Tovuz”la qarşılaşacaq. Bu oyun Tovuz şəhər stadionunda baş tutacaq və matçın idarəçiliyini baş hakim Rəvan Həmzəzadə həyata keçirəcək.
Digər oyunda isə “Qarabağ” komandası səfərdə “Sumqayıt”a qarşı mübarizə aparacaq. Ağdam təmsilçisi bu qarşılaşmanı Sumqayıt şəhərində, M. Hüseynzadə adına stadionda keçirəcək. Oyunun baş hakimi Elçin Məsiyev olacaq.
Misli Premyer Liqası
IX tur
6 oktyabr (bazar)
17:45 – “Turan Tovuz” – “Zirə”
Baş hakim: Rəvan Həmzəzadə
Tovuz şəhər stadionu
20:00 – “Sumqayıt” – “Qarabağ”
Baş hakim: Elçin Məsiyev
M. Hüseynzadə adına Sumqayıt şəhər stadionu
