Bu gün AFFA İntizam Komitəsinin iclası keçirilib və Misli Premyer Liqasının 10-cu turunda baş verən qayda pozuntuları ilə bağlı qərarlar qəbul edilib.
Daylinews-az.com-ın məlumatına görə, “Neftçi” – “Səbail” matçının 81-ci dəqiqəsində “Neftçi”nin futbolçusu Edvin Kuç rəqibi aşkar qol imkanından məhrum etdiyi üçün birbaşa qırmızı vərəqə alıb və 1 oyunluq cəza verilib. Bununla yanaşı, Bakı klubu 1000 manat cərimələnib. Eyni oyunun fasiləsində meydançaya kənar şəxsin daxil olduğu üçün “Neftçi”yə 800 manat cərimə tətbiq edilib.
“Zirə” – “Sabah” oyununun 45+4-cü dəqiqəsində “Sabah”ın köməkçi məşqçisi Saşa Sablyak oyunun bərpasını ləngitdiyi üçün birbaşa qırmızı vərəqə ilə cəzalandırılıb. O, 1 oyun şərti olmaqla, 2 oyunluq cəzalanıb və klub 1000 manat cərimə edilib.
“Sumqayıt” – “Turan Tovuz” oyununun ikinci hissəsi “Turan Tovuz”un meydançaya gec çıxması səbəbindən gec başladığı üçün klub 1500 manat cərimə olunub.
