Bu həftə qızılın qiyməti yeni rekorda yüksəldi. ABŞ-ın ticarət müharibəsinə başlaması fonunda qiymətli metalın dəyəri artmaqda davam edir.
Bugünkü hərraclarda qızılın bir unsiyasının qiyməti ilk dəfə 2 900 dollar həddini keçib.
Saat 15:44-ə olan məlumata görə, qızılın qiyməti 0.32% bahalaşaraq 2 893.5 dollara çatıb. Gün ərzində isə 2 901.5 dollar ilə tarixi maksimum qeydə alınıb.
Ticarət müharibəsi qızılın qiymətinə necə təsir edib?
Bloomberg xəbər verir ki, ABŞ və Çin arasında başlayan ticarət müharibəsi investorları daha etibarlı aktivlərə yönəldib.
- ABŞ Prezidenti Donald Trampın Çin idxalına tətbiq etdiyi gömrük rüsumları rəsmi olaraq qüvvəyə minib.
- Buna cavab olaraq Çin hökuməti dərhal ABŞ-a qarşı daha konkret cavab tədbirləri görəcəyini açıqlayıb.
