Azərbaycan idmançıları indiyədək keçirilmiş MDB Oyunlarında ümumilikdə 122 medal qazanıblar. Un araşdırmasına görə, bu medallardan 25-i qızıl, 33-ü gümüş, 64-ü isə bürünc olub. Statistikaya əsasən, Azərbaycan ölkələr arasında medal sıralamasında 5-ci yerdə qərarlaşıb.
Medal siyahısında liderlik edən ölkələr və onların nəticələri aşağıdakı kimidir:
- Rusiya: 503 medal (263 qızıl, 131 gümüş, 109 bürünc)
- Belarus: 305 medal (56 qızıl, 110 gümüş, 139 bürünc)
- Özbəkistan: 197 medal (51 qızıl, 57 gümüş, 89 bürünc)
- Qazaxıstan: 159 medal (25 qızıl, 49 gümüş, 85 bürünc)
- Azərbaycan: 122 medal (25 qızıl, 33 gümüş, 64 bürünc)
I MDB Oyunları 2021-ci ildə Rusiyanın Kazan şəhərində keçirilib və həmin yarışda Azərbaycan 60 medal qazanaraq dördüncü olub. 2023-cü ildə Belarusun paytaxtı Minskdə təşkil olunan II MDB Oyunlarında isə Azərbaycan idmançıları 62 mükafatla yenə dördüncü pilləni tutublar.
2025-ci ildə isə III MDB Oyunları Azərbaycanda baş tutacaq. Bu dəfə ölkəmizi 340 idmançı təmsil edəcək. Ümumilikdə, yarışa müxtəlif ölkələrdən idmançılar qatılacaq və onlar 23 fərqli idman növündə mübarizə aparacaqlar. Bu növlərə kamandan oxatma, badminton, 3×3 basketbol, boks, kanoe, çövkən, qılıncoynatma, futbol (U-16), yunan-Roma güləşi, cüdo, karate, bədii gimnastika, avarçəkmə, sambo, güllə və stend atıcılığı, üzgüçülük, stolüstü tennis, taekvondo, batut gimnastikası, voleybol, qadın güləşi və sərbəst güləş daxildir.
Yarışın keçiriləcəyi şəhərlər və əsas məlumatlar:
- Tarix: 28 sentyabr – 8 oktyabr 2025
- Məkanlar: Gəncə, Yevlax, Mingəçevir, Qəbələ, Şəki, Göygöl və Xankəndi
- Bağlanış mərasimi: 8 oktyabr, Gəncə şəhər stadionu
Azərbaycan idmançıları MDB Oyunlarında əldə etdikləri uğurlarla ölkənin idman potensialını yüksəltməkdə davam edir və bu il keçiriləcək yarışda da yüksək nəticələrə ümid edirlər.
