Ağdamın “Qarabağ” futbol klubu Azərbaycan Kuboku tarixində növbəti əlamətdar uğura imza atıb. Komanda bu mövsüm 12-ci dəfə kubokun finalına yüksələrək bu göstəricidə yeni rekord müəyyən edib.
Daylinews-az.comun PFL-in rəsmi saytına istinadla verdiyi xəbərə görə, indiyədək bu rekord “Neftçi”yə məxsus idi – “ağ-qaralar” 11 dəfə finalda çıxış etmişdi.
Qurban Qurbanovun rəhbərlik etdiyi komanda yarımfinal mərhələsində “Araz-Naxçıvan”ı iki oyunun nəticəsinə əsasən məğlub edib – 0:1 və 3:0.
“Qarabağ”ın Azərbaycan Kuboku finallarındakı statistikası:
Qalib gəldiyi mövsümlər (8 dəfə):
- 1993
- 2005/2006
- 2008/2009
- 2014/2015
- 2015/2016
- 2016/2017
- 2021/2022
- 2023/2024
Uduzduğu finallar (3 dəfə):
- 1995/1996
- 1997/1998
- 1999/2000
Ağdam klubu 12-ci finala yüksəlməklə bu göstəricidə tarixə düşüb və növbəti dəfə kuboku qazanmağa bir addım da yaxınlaşıb.
