Avqustun 13-də kriptovalyuta Bitcoin 123 500 dollar həddini aşaraq, 14 iyulda qeydə alınmış 123,2 min dollarlıq əvvəlki tarixi maksimumunu yenilədi. Bu barədə Daylinews-az.com kriptobirjalar və Bloomberg nəşrinə istinadla xəbər verir.
Qeyd olunur ki, rekord, S&P 500 indeksinin ikinci gün ardıcıl olaraq öz tarixi maksimumu ilə bağlanmasından dərhal sonra baş verib. İndeks yay artımını davam etdirərək dəfələrlə yeni zirvələrə qalxıb.
Binance kriptobirjasının məlumatına görə, saat 04:20-yə olan vəziyyətə görə Bitcoin-in qiyməti 123 866,41 dollar təşkil edib.
Bitcoin son bir ildə sabit şəkildə bahalaşaraq, Vaşinqtondakı əlverişli qanunvericilik mühiti fonunda möhkəmlənib. Donald Trampın hakimiyyətə gəlməsindən sonra bu amil daha da güclənib.
Bloomberg-in qeyd etdiyinə görə, Maykl Seylorun rəhbərlik etdiyi Strategy kimi ictimai şirkətlər getdikcə populyarlaşan korporativ kriptovalyuta yığımı strategiyasına əməl edərək tələbi artırıblar. Bu strategiya son vaxtlar Ether kimi kiçik rəqiblərə də yayılıb və rəqəmsal aktivlər bazarının ümumi artımına səbəb olub.
Xatırladaq ki, iyul ayında Bitcoin qısa müddətdə bir neçə bahalaşma rekordu qırmışdı.
