Bakı şəhəri, Nizami rayonu, Elşən Süleymanov küçəsinin Bəhruz Nuriyev küçəsindən Babək prospektinin kəsişməsinə qədər olan hissəsində təmir işləri ilə əlaqədar olaraq avtonəqliyyat vasitələrinin hərəkəti qismən məhdudlaşdırılacaq.
Daylinews-az.com xəbər verir ki, Azərbaycan Avtomobil Yolları Dövlət Agentliyi (AAYDA) bu barədə məlumat yayıb.
Təmir işlərinin 25 iyun tarixində davam etdirilməsi ilə əlaqədar olaraq, bu hissədə hərəkət müvəqqəti olaraq məhdudlaşdırılacaq. Sürücülərdən həmin ərazidə diqqətli olmaları, yol hərəkəti qaydalarına və müvəqqəti yol nişanlarının tələblərinə riayət etmələri xahiş edilir.
