Aprelin 2-si üçün ölkə üzrə hava şəraiti ilə bağlı rəsmi məlumat verilib. Milli Hidrometeorologiya Xidmətinin yaydığı proqnoza əsasən, Bakıda və Abşeron yarımadasında hava dəyişkən buludlu olacaq, əsasən yağmursuz keçəcək. Gecə və səhər bəzi yerlərdə zəif duman müşahidə oluna bilər. Cənub-şərq küləyi mülayim əsəcək.
Şəhərdə gecə saatlarında hava 11–14°, gündüz isə 18–22° isti olacaq. Atmosfer təzyiqi 764 mm civə sütunundan 755 mm-ə qədər enəcək. Nisbi rütubət gecə 70–80%, gündüz 55–60% arasında dəyişəcək.
Bölgələrdə hava şəraiti
Bölgələrdə də hava əsasən yağmursuz olacaq. Lakin səhər saatlarından etibarən dağlıq ərazilərdən başlayaraq bəzi yerlərdə qısamüddətli yağış, şimşək və lokal dolu halları gözlənilir. Gecə və səhər bəzi bölgələrdə duman müşahidə ediləcək. Külək qərb istiqamətində əsəcək.
Havanın temperaturu:
- Aran bölgələrində gecə 10–15°, gündüz 20–25° isti,
- Dağlıq ərazilərdə gecə 5–10°, gündüz isə 12–17° isti olacaq.
