MLS-in 1/8 final mərhələsinin üçüncü pley-off oyununda “İnter Mayami” və “Atlanta Yunayted” komandaları üz-üzə gəlib.
Daylinews-az.com xəbər verir ki, Mayamidəki “DVR Stadium”da baş tutan qarşılaşmada “Atlanta Yunayted” rəqibini 3:2 hesabı ilə məğlub edib.
“İnter Mayami”nin heyətində çıxış edən Lionel Messi matçın 65-ci dəqiqəsində başla qol vuraraq hesabı 2:2 edib. Bu qol argentinalı hücumçunun karyerasında vurduğu 850-ci qol olub.
Bu məğlubiyyət nəticəsində “İnter Mayami” MLS-də mübarizəni dayandırıb və yarışdan kənar qalıb. “Atlanta Yunayted” isə 1/4 final mərhələsinə vəsiqə qazanıb.
Xatırladaq ki, seriyanın ilk oyununda “İnter Mayami”, ikinci oyunda isə “Atlanta Yunayted” 2:1 hesabı ilə qalib gəlmişdi.
