Azərbaycan Prezidenti İlham Əliyev Qəbələdə təşkil olunan Türk Dövlətləri Təşkilatının (TDT) Dövlət Başçıları Şurasının 12-ci Zirvə Görüşündə ölkəmizin təhlükəsizlik sahəsində Türkiyə ilə əməkdaşlığını yüksək qiymətləndirib. Dövlət başçısı çıxışında qeyd edib ki, təhlükəsizlik olmadan inkişafdan söhbət gedə bilməz.
“Beynəlxalq hüquq normalarının pozulduğu bir vaxtda, ölkələrimiz arasında hərbi və hərbi-texniki əməkdaşlıq önəmli rol oynayır. Bu çərçivədə Türkiyə ilə əlaqələrimiz çox güclüdür. Son bir il ərzində 25-dən artıq ikitərəfli və həmçinin çoxmillətli hərbi təlimlər birlikdə keçirilib,” – İlham Əliyev bildirib.
Bu təlimlər iki ölkə arasında strateji tərəfdaşlıq və regional təhlükəsizliyin gücləndirilməsi baxımından önəm daşıyır.
