Qazaxıstanın Çimkənd şəhərində təlim-məşq toplanışında olan Azərbaycanın qadın futbol komandası növbəti yoldaşlıq görüşündə rəqibini minimal hesabla məğlub edib. Siyasət Əsgərovun rəhbərlik etdiyi yığma 1:0 hesabı ilə qalib gəlib. Oyunun yeganə qolunu 82-ci dəqiqədə Nigar Mirzəliyeva fərqləndirib.
Qeyd edək ki, komandalar arasında oktyabrın 24-də keçirilən ilk görüşdə də Azərbaycan millisi 2:1 hesabı ilə üstün olmuşdu.
Bu qələbələr milli komandanın formalaşma prosesində və beynəlxalq təcrübə qazanmasında müsbət dönüş kimi qiymətləndirilir. Baş məşqçi Siyasət Əsgərov oyunu yüksək qiymətləndirərək futbolçuların mübarizə ruhunu önə çəkib.
