L qrupunda keçirilən Panama – Xorvatiya qarşılaşması gözlənildiyindən daha gərgin alınıb və 0:1 hesabı ilə Xorvatiyanın xeyrinə başa çatıb. İlk 45 dəqiqədə daha fəal görünən Panama futbolçuları rəqib qapısı qarşısında bir neçə təhlükəli vəziyyət yaratsalar da, Livakoviç inamlı çıxışı ilə hesabın açılmasına imkan verməyib.
İkinci hissədə Avropa təmsilçisi oyuna nəzarəti artırıb. Xorvatların təzyiqi 54-cü dəqiqədə nəticə verib. Sağ cinahdan təşkil olunan hücum zamanı Budimir dəqiq zərbə ilə komandasını önə çıxarıb. Qalan dəqiqələrdə Panama hücumlarını davam etdirsə də, hesab dəyişməyib və Xorvatiya vacib üç xalı aktivinə yazdırıb.
DÇ-2026, L qrupu – II tur
Kolumbiya üstünlüyünü bir qolla təsdiqlədi
K qrupunda baş tutan digər görüşdə Kolumbiya və DR Konqo üz-üzə gəlib. Matç boyunca hücumda daha məhsuldar çıxış edən kolumbiyalılar sonda 1:0 hesablı qələbə qazanıblar.
Maraqlıdır ki, Cənubi Amerika təmsilçisi görüş ərzində üç dəfə topu qapıdan keçirsə də, bu qollar müxtəlif səbəblərdən qeydə alınmayıb. Bununla belə, 76-cı dəqiqədə Daniel Munyosun vurduğu qol oyunun taleyini həll edib. DR Konqo son bölümlərdə hesabı bərabərləşdirməyə çalışsa da, Kolumbiya müdafiədə səhvə yol verməyib.
Bu nəticədən sonra Kolumbiya altı xalla pley-off mərhələsinə vəsiqəni vaxtından əvvəl təmin edib. Xorvatiya da qrupda vəziyyətini yaxşılaşdıraraq son turun öncəsi üstün mövqedə qərarlaşıb.
DÇ-2026, K qrupu – II tur
