I qrupunun son turunda Seneqal İraq üzərində 5:0 hesablı möhtəşəm qələbə qazanaraq ən yaxşı üçüncü yerlərdən biri kimi növbəti mərhələyə yüksəlmək şansını saxladı.
Afrika təmsilçisi hesabı artıq 4-cü dəqiqədə açdı. Bir qədər sonra İraqın futbolçusu Sulaka son ümid foluna görə qırmızı vərəqə aldı və komandasını çətin vəziyyətdə qoydu. Fasilədən sonra Seneqal üstünlüyünü daha da artırdı. İsmaila Sarr fərqləndi, Pape Gueye iki dəfə rəqib qapısına yol tapdı, Ndiaye isə matçın yekun hesabını müəyyənləşdirdi.
Fransa Norveç qarşısında gücünü nümayiş etdirdi
Fransa yığması qrup mərhələsini 4:1 hesablı qələbə ilə başa vuraraq 9 mümkün xalın hamısını topladı və I qrupunun lideri kimi pley-offa yüksəldi. Norveç isə 6 xalla ikinci pillədə qərarlaşaraq mübarizəni davam etdirmək hüququ qazandı.
Oyunun əsas qəhrəmanı Usman Dembele oldu. Təcrübəli hücumçu ilk hissədə cəmi 32 dəqiqəyə het-trik etdi. Kilian Mbappe iki məhsuldar ötürmə ilə komandasının uğurunda mühüm pay sahibi oldu. Fransa adına son qolu Desire Due vurdu, Norveçin yeganə dəqiq zərbəsi isə Telo Osqordan gəldi. Matçın ikinci hissəsində Yorgen Larsen penalti zərbəsindən yararlana bilmədi – Mayk Menyan əla seyvlə fərqləndi.
DÇ-2026. I qrupu. 3-cü tur
Kabo-Verde ilk mundialında tarix yazdı
H qrupunda keçirilən Kabo-Verde – Səudiyyə Ərəbistanı qarşılaşması 0:0 hesabı ilə başa çatdı. Qolsuz heç-heçə hər iki komanda üçün fərqli məna daşıdı.
Kabo-Verde qrup mərhələsində keçirdiyi üç oyunun hamısını heç-heçə başa vuraraq 3 xal topladı və ikinci yeri tutdu. Bununla da ada dövləti tarixində ilk dəfə dünya çempionatının pley-off mərhələsinə yüksəldi. Səudiyyə Ərəbistanı isə cəmi 2 xalla sonuncu yeri tutaraq turnirlə vidalaşdı.
DÇ-2026. H qrupu. 3-cü tur
