Saray qəsəbəsini Sumqayıt şəhəri ilə birləşdirən yeni körpünün tikintisi 3-4 ay ərzində tam başa çatdırılacaq.
Bu barədə Daylinews.az-a Dövlət Avtomobil Yolları Agentliyinin mətbuat katibi Anar Nəcəfli məlumat verib.
Onun sözlərinə görə, tikinti işlərinə kifayət qədər işçi qüvvəsi və texnika cəlb olunub.
Yeni körpünün texniki xüsusiyyətləri
- Körpü üç aşırımlıdır və ümumi uzunluğu 104 metr təşkil edir.
- Dörd dayaqlı körpü altı sütundan ibarətdir, hər bir sütunun diametri 1.5 metrdir.
- Ümumilikdə körpünün 12 sütunu və 80 ədəd, diametri 1 metr, uzunluğu 14 metr olan svayları var.
- Körpünün eni 21.6 metr olacaq və dörd hərəkət zolağına malik olacaq.
- Gediş-gəlişi rahatlaşdırmaq üçün hər iki tərəfdə 2 metrlik piyada səkiləri də tikiləcək.
Köhnə körpünün vəziyyəti 1970-ci illərdə tikilmiş və Sumqayıtı Saray qəsəbəsi ilə birləşdirən köhnə körpü 2024-cü ilin dekabrında qəza vəziyyətində olduğu üçün sökülüb. Yeni körpünün tikintisi üçün 9 960 000 manat ayrılıb.
