Sumqayıt şəhərini Abşeron rayonunun Saray qəsəbəsi ilə birləşdirən və Samur-Abşeron kanalı ilə dəmir yolu üzərində yerləşən yeni körpünün inşası davam edir.
Azərbaycan Avtomobil Yolları Dövlət Agentliyinin (AAYDA) mətbuat xidmətinə istinadən, Daylinews-Az bildirir ki, ilkin mərhələdə mövcud kommunikasiya xətləri köçürülüb, köhnə körpü sökülüb, ərazi təmizlənib və tikinti sahəsi hazırlanıb.
Hazırda görülən işlər aşağıdakı kimidir:
- Samur-Abşeron kanalına tərəf olan hissə tamamilə sökülüb.
- Dəmir yolu üzərindəki hissədə isə üst qat konstruksiyası çıxarılıb.
- Dayaqların sökülməsi işləri davam etdirilir.
Xatırlatma: 1970-ci illərdə inşa olunan və Sumqayıtı Saray qəsəbəsi ilə birləşdirən köhnə körpü qəzalı vəziyyətdə olduğuna görə sökülüb. Aparılan yoxlamalar və testlər nəticəsində körpünün yükdaşıma qabiliyyətini aşağı salan ciddi qüsurlar aşkar edilib.
