Prezident İlham Əliyevin imzaladığı “Əmək pensiyalarının indeksləşdirilməsi haqqında” sərəncam yeni sosial islahat paketinin tərkib hissəsi kimi pensiya artımına imkan yaradıb. Bu qərar 2025-ci ildə pensiyaçıların sosial müdafiəsinin daha da gücləndirilməsinə xidmət edəcək.
Daylinews-Azın məlumatına görə, bu barədə Dövlət Sosial Müdafiə Fondunun sədri Himalay Məmişov keçirdiyi brifinqdə açıqlama verib.
Pensiya artımına dair əsas məqamlar:
- 2025-ci ilin 1 yanvar tarixinədək təyin olunmuş bütün pensiyalar artırılacaq.
- İndeksləşdirmə 8.1% təşkil edəcək.
- Artım 2024-cü ildə orta aylıq əməkhaqqının illik artımına əsasən hesablanıb.
- Pensiya artımı tam avtomatik həyata keçiriləcək, heç bir sənəd təqdim etməyə ehtiyac olmayacaq.
G.Məmişovun sözlərinə görə, Dövlət Statistika Komitəsinin təqdim etdiyi məlumatlar əsasında indeksləşdirmə prosesi başa çatdırılıb və artımlar yanvar ayından etibarən tətbiq olunacaq.
