16 sentyabr tarixində ATV kanalında “Əlvida, xoşbəxtlik” adlı serialın premyerası baş tutdu. Bu serial, beynəlxalq serial franşizasının Azərbaycana uyğunlaşdırılmış versiyasıdır.
Aktor İbrahim Çingiz özünün Facebook sosial şəbəkəsində bu layihənin Koreya istehsalı olan “Evlilikdə həyat” serialının rəsmi adaptasiyası olduğunu bildirib. Həmçinin, bu serialın əsli BBC-nin məşhur “Doktor Foster” serialından götürülüb, türk izləyiciləri isə bu dramatik ailə hekayəsini “Sadakatsız” adı altında tanıyırlar.
İbrahim Çingiz izah edir ki, Azərbaycan Koreyadan bu serialı əldə edərək, ssenariyə ölkənin özünəməxsus həyat tərzi, mədəniyyət və məişət xüsusiyyətlərini əlavə edib və yayıma başlayıb. O, izləyicilərini bu layihəyə diqqət yetirməyə çağırır.
“Doktor Foster”ın orijinal süjetində əsas mövzu belədir: “Doktor Foster hər zaman soyuqqanlı və məntiqli davranan bir qadındır, lakin əri haqqında xəyanət şübhələri yarananda hər şey dəyişir. İndi qadının yalnız bir məqsədi var – həyatında həqiqətən nə baş verdiyini anlamaq. Lakin bu araşdırma ailə həyatını xaosa sürükləyir və həm yaxınları, həm də xəstələri onun əvvəlki sakit və mehriban şəxsiyyətini tanımır.”
“Əlvida, xoşbəxtlik” serialının əsas rollarını Ülviyə Rza və Vüsal Murtuzəliyev canlandırır. Serialın rejissoru Vüsal Məmmədovdur və ATV kanalında həftədə 4 dəfə, saat 21:30-da yayımlanacaq.
