Ekologiya və Təbii Sərvətlər Nazirliyinin Milli Hidrometeorologiya Xidmətinin məlumatına görə, 22 mart tarixində Abşeron yarımadasında dəyişkən buludlu, əsasən tutqun hava müşahidə olunacaq. Gecə və səhər bəzi yerlərdə qısamüddətli yağış və şimşək ehtimal olunur. Şimal-qərb küləyi əsəcək, bəzən güclənə bilər.
Havanın temperaturu gecə saatlarında 4-7 dərəcə isti, gündüz isə 8-13 dərəcə arası dəyişəcək. Atmosfer təzyiqi 765 mm civə sütunu təşkil edəcək, nisbi rütubət isə 70-80 faiz arasında dəyişəcək.
Bölgələrdə də dəyişkən hava şəraiti gözlənilir. Gecə və gündüz bəzi ərazilərdə yağış yağacağı, şimşək çaxacağı, bəzi yerlərdə dolu düşəcəyi proqnozlaşdırılır. Dağlıq rayonlarda isə qar yağacağı gözlənilir. Gecə və səhər saatlarında bəzi bölgələrdə duman müşahidə ediləcək. Qərb küləyi əsəcək və bəzi yerlərdə güclənə bilər.
Temperatur göstəriciləri belə olacaq:
- Aran rayonlarında gecə 3-7, gündüz 7-11 dərəcə isti
- Dağlıq ərazilərdə gecə 2-7 dərəcə şaxta, gündüz 0-5 dərəcə isti
