Argentinada qadağan edilmiş “Ashram Şambala” adlı dini sektanın qurucusu və ruhani lideri Konstantin Rudnev insan alveri ittihamı ilə saxlanılıb. Onunla birlikdə 14 nəfər də müxtəlif hava limanlarında – San-Karlos-de-Bariloçe və Buenos-Ayresdə tutulub. Saxlanılanların əksəriyyəti Rusiya vətəndaşı olan qadınlardır Daylinews-Az xəbər verir ki, bu barədə məlumatı Infobae yayıb.
Skandal doğuş: araşdırmanın başlanğıcı
Sektanın ifşa olunmasına səbəb Bariloçe şəhərində çalışan tibb bacılarının diqqətçiliyi olub. Martın 21-də doğuş üçün xəstəxanaya gətirilən 22 yaşlı hamilə rus qadınının bədənində zorakılıq izləri aşkar edilib. Onu müşayiət edən iki qadın onun əvəzinə danışır, həkimlərin suallarına cavab verməyə imkan vermirdilər. Doğuşdan sonra həmin qadın ata adını yazsa da, müşayiətçilər bu kağızı cıraraq məhv ediblər.
Hadisədən sonra 44 və 40 yaşlarında olan bu qadınlar saxlanılıb. Aparılan istintaq və axtarış tədbirləri nəticəsində izlər Konstantin Rudnevə qədər gedib çıxıb. Məlum olub ki, o, Argentinada adam başına 5000 dollar qarşılığında yoqa kursları təşkil edirmiş.
Saxlanılanlar arasında müxtəlif ölkələrdən şəxslər var
Zərbəli əməliyyat nəticəsində 14 nəfər saxlanılıb. Onlardan üçü Rusiya pasportu daşıyan kişilərdir. Qadınların arasında isə Meksika və Braziliya vətəndaşları da var. Yerli hüquq-mühafizə orqanlarının bildirdiyinə görə, saxlanılan qadınların çoxu saçları qırxılmış, zəif düşmüş və qidalanma əlamətləri çatışmayan vəziyyətdədir.
Bu vəziyyət onların sektanın qurbanları ola biləcəyini göstərir. Argentinada məsələ böyük rezonans doğurub, hüquq-mühafizə orqanları istintaqın davam etdiyini və digər şəxslərin də məsuliyyətə cəlb edilə biləcəyini bildirib.
