17 aprel tarixində UEFA Konfrans Liqasının 1/4 final mərhələsinə yekun vuruldu. Cavab oyunlarından sonra yarımfinala yüksələn 4 komanda bəlli oldu.
Fiorentina səfərdəki 2:1 hesablı qələbədən sonra öz meydanında Celje ilə 2:2 hesablı heç-heçə edib və ümumi nəticədə (4:3) mərhələni adlayıb. Betis isə ilk oyunda qazandığı 2:0 hesablı üstünlüyü qoruyaraq Jagiellonia ilə 1:1 bərabərliyə razılaşıb və növbəti mərhələyə keçib.
Chelsea, ilk görüşdə Legianı 3:0 hesabı ilə darmadağın etdikdən sonra cavab oyununda 1:2 məğlub olsa da, ümumi nəticədə üstünlüyü qoruyaraq yarımfinala vəsiqə qazanıb.
Ən dramatik qarşılaşma isə Rapid Vyana və Djurgarden arasında baş verib. İlk oyunu 1:0 uduzan isveçlilər cavab oyununda əsas vaxtda 3:1 hesabı ilə önə keçib, əlavə vaxtda isə daha bir qol vuraraq ümumi nəticədə 4:2 hesabı ilə mərhələni adlayıblar.
Yarımfinal cütlükləri (1 və 8 may):
- Betis (İspaniya) – Fiorentina (İtaliya)
- Djurgarden (İsveç) – Chelsea (İngiltərə)
Final oyunu:
- 28 may – Mejski Stadionu, Vrotslav (Polşa)
