Londonda “Çelsi” PSJ üzərində 3:0 hesablı inamlı qələbə ilə 2025-ci il Klublararası Dünya Çempionatının qalibi oldu. “Zadəganlar” tarixlərində ikinci dəfə bu titula yiyələndilər və eyni zamanda FIFA-nın yeni formatda keçirilən turnirinin ilk çempionu oldular.
Görüşdən sonra “Çelsi”nin baş məşqçisi Enzo Mareska komandasının uğurunu oyunun əvvəlində qoyulan temp və yüksək pressinq ilə izah edib.
“Oyuncularla bağlı söz tapmıram. Bu uğuru tam şəkildə haqq etdilər və bu, bizim üçün əla bir andır. Məncə, biz bu oyunu ilk 10 dəqiqədə qazandıq. Tempə biz nəzarət etdik, onları pressinq altında saxladıq. Hava və meydança şərtləri bu tapşırığı çətinləşdirirdi, amma biz davam etdik və uşaqlar bu işi bacardı”, – deyə Mareskanın fikirlərini BBC yayıb.
Qeyd edək ki, bu Mareskanın “Çelsi” ilə ilk mövsümündə qazandığı ikinci titul oldu. O, bundan əvvəl Konfrans Liqasının da qalibi olmuşdu. Üstəlik, “Çelsi” onun rəhbərliyi altında Premyer Liqanı 4-cü pillədə tamamlayaraq 2025/26 mövsümündə Çempionlar Liqasının əsas mərhələsinə vəsiqə qazanıb.
Xatırladaq ki, PSJ finalda “Çelsi”yə 1xBet-in dəstəyi ilə keçirilən qarşılaşmada 0:3 hesabı ilə uduzdu. Bu, fransızların son illərdə ilk dəfə birinci hissədə üç qol buraxdığı oyundur.
