Yeni tədqiqat göstərib ki, adi maddələr beyin hüceyrələrini aktivləşdirə və təhlükəli yığıntılardan təmizlənməsinə kömək edə bilər.
Yaşıl çay və B3 vitamini birlikdə
Kaliforniya Universitetinin (İrvayn) alimləri müəyyən ediblər ki, yaşıl çayın tərkibindəki epigalokatexin qalat (EGCG) və nikotinamid (B3 vitamininin forması) birlikdə beyindəki prosesləri ləngidə bilər. Nikotinamid orqanizmə niasinlə zəngin qida məhsullarından — dənli bitkilər, qoz-fındıq, paxlalılar, balıq və yumurtadan daxil olur.
Laboratoriya (in vitro) təcrübələrində alimlər aşkar ediblər ki, bu iki maddə guanazintrifosfat (GTP) səviyyəsini artırır. Bu molekul neyronlarda enerji proseslərinə cavabdehdir.
Beyin hüceyrələrinə təsiri
- Neyronlar zərərli beta-amiloid yığıntılarından daha səmərəli təmizlənməyə başlayır.
- Hüceyrələr qocalma ilə bağlı zədələri bərpa etmək qabiliyyətini gücləndirir.
Bu nəticələr Altsheymer xəstəliyinin inkişaf mexanizmini ləngidə biləcək yeni yanaşmaya işarə edir.
Niyə bu əhəmiyyətlidir?
Biotibbi mühəndis Qreqori Brüerin sözlərinə görə, neyronların enerji balansının bərpası yaşla bağlı yaddaş və idrak zəifləməsinə qarşı mübarizədə perspektivli üsul ola bilər.
Üstəlik, hər iki maddə artıq təhlükəsiz qida əlavəsi kimi mövcuddur. Lakin alimlər vurğulayır ki, nəticələr hələlik yalnız laboratoriyada əldə olunub. İnsanlarda real təsiri təsdiqləmək üçün əlavə klinik sınaqlara ehtiyac var.
Əvvəlki araşdırmaların nəticələri
- Yaşıl çay – demans riskinin azalması ilə əlaqələndirilmişdir.
- Nikotinamid – beynin insultdan qorunmasına kömək edə bilər.
