“Bitcoin”in qiyməti 2025-ci ilin aprelin 7-dən bəri ilk dəfə 75 min dollar həddindən aşağı enib. Kriptovalyuta bazarındakı bu kəskin korreksiya aparıcı rəqəmsal aktivə olan təzyiqi bir daha gündəmə gətirib.
Bakı vaxtı ilə saat 07:30-da ən böyük kriptovalyutanın qiyməti “Binance” birjasında 74 859,9 dollar səviyyəsinə düşüb ki, bu da sutkalıq müqayisədə təxminən 4,89 faiz azalma deməkdir.
Cəmi bir neçə dəqiqə sonra, saat 07:35-də eniş bir qədər zəifləyərək, “Bitcoin” 74 865 dollar civarında, təxminən 4,88 faizlik gündəlik geriləmə ilə ticarət olunub.
Sərt ucuzlaşma və yeni minimum səviyyə
Analitiklər xatırladırlar ki, hazırkı hərəkət 2025-ci ilin aprelində formalaşmış güclü dəstək zonalarının yenidən sınaqdan keçirilməsi kimi qiymətləndirilir.
Son günlərdə “Bitcoin”in 80 min dollardan yuxarı səviyyələrdən geri çəkilməsi, həm texniki səbəblər, həm də yüksək volatillik fonunda fyuçers bazarındakı kütləvi likvidasiyalarla əlaqələndirilir.
Bəzi hesabatlara görə, son 24 saat ərzində kriptovalyuta törəmə alətlər bazarında məcburi bağlanmış mövqelərin həcmi bir neçə milyard dolları üstələyib.
