Rumıniyanın ultra-sağçı partiyası olan “Rumıniyanın birliyi uğrunda Alyans”ın lideri Ciorcye Simion birinci turda 3,8 milyon səs toplayaraq ikinci tura keçib.
Seçki nəticələri və ikinci tura keçənlər
Mərkəzi Seçki Komissiyasının məlumatına görə, Ciorcye Simion 40,96% səs alıb. Buxarestin meri Nikuşor Dan ikinci yeri 2 milyon səs (20,99%) toplayaraq, Krin Antonesku-nu (1,9 milyon səs və 20,07%) az fərqlə qabaqlayıb.
Hökumətin sabiq rəhbəri Viktor Ponta isə 1,2 milyon səs (13,05%) alaraq seçicilərdən güclü dəstək qazanıb.
İkinci tur və növbəti mərhələlər
Qeyd edək ki, Rumıniyada 4 may tarixində keçirilən prezident seçkilərinin birinci turunda 11 namizəd iştirak edib. İkinci tur 18 may tarixində keçiriləcək.
Xatırladaq ki, 2024-cü ilin noyabr ayında Rumıniyada keçirilən prezident seçkilərinin birinci turunda Kelin Ciorcskü adlı ultra-sağçı, Rusiya tərəfdarı olan siyasətçi qalib gəlsə də, Dekabr ayında Rumıniyanın Konstitusiya Məhkəməsi RF-in müdaxiləsi və kiberhücum səbəbindən birinci turda əldə edilən nəticələri ləğv etmişdi.
Ciorcye Simion isə seçkilərin favorit namizədi hesab olunur və qələbə qazandığı təqdirdə Ciorcskü-ya rəhbər vəzifə təklif edəcəyini bəyan edib.
