Ekologiya və Təbii Sərvətlər Nazirliyinin Milli Hidrometeorologiya Xidmətinin məlumatına görə, 20 may tarixində Bakı və Abşeron yarımadasında hava dəyişkən buludlu olacaq, əsasən yağmursuz keçəcək. Lakin 19-dan 20-nə keçən gecə bəzi ərazilərdə qısa müddətli leysan və şimşək müşahidə oluna bilər. Gün ərzində mülayim şimal-qərb küləyi əsəcək, sonradan cüzi cənub-şərq küləyi ilə əvəz olunacaq.
Bakı və Abşeronda:
- Gecə temperaturu: 15–18° isti
- Gündüz temperaturu: 21–26° isti
- Atmosfer təzyiqi: 764 mm civə sütunundan 759 mm-ə qədər enəcək
- Rütubət: Gecə 70–80%, gündüz 55–60%
Bölgələrdə hava şəraiti:
Respublikanın bəzi rayonlarında yağış, şimşək, leysan və dolu müşahidə oluna bilər. Ayrı-ayrı yerlərdə duman olacaq. Mülayim qərb küləyi əsəcək, bəzi anlarda güclənə bilər.
- Gecə temperaturu: 13–18° isti
- Gündüz temperaturu: 22–27° isti
- Dağlıq ərazilərdə: Gecə 5–10°, gündüz 12–17° isti
