İqtisadiyyat Nazirliyi yanında Dövlət Vergi Xidməti “Roketsan Roket Sanayi ve Ticaret Anonim Şirketi”nin Azərbaycanda yerli nümayəndəliyinin dövlət qeydiyyatını tamamlayıb. Xəbər verir ki, yeni hüquqi şəxs Xətai rayonu, 8 Noyabr prospekti, 15 ünvanında yerləşəcək və onun qanuni təmsilçisi Türkiyə vətəndaşı Cumhur Murat Bozdur.
“Roketsan” Türkiyənin aparıcı raket istehsalçılarından biri olaraq hərbi sənayenin mühüm hissəsini təşkil edir. Azərbaycan bazarında nümayəndəliyin yaradılması iki ölkə arasında müdafiə sənayesi sahəsində əməkdaşlığın inkişafında yeni mərhələ kimi qiymətləndirilir.
Bu addım “Roketsan”ın regiondakı fəaliyyətini genişləndirəcək, həmçinin Azərbaycanda hərbi texnologiyaların transferi və inkişafı üçün vacib zəmindir.
