“Abşeron Lions”un baş məşqçisi Erhan Toker FIBA Avropa Kubokunda “Trefl”ə uduzduqları matçı dəyərləndirərək, müdafiə səhvlərini vurğuladı.
Mütəxəssis mətbuat konfransında qeyd etdi: “Oyuna yaxşı hazırlaşmışdıq. Qarşılaşmaya istədiyimiz kimi başlamasaq da, sonradan oyunumuzu düzəltdik. Müdafiədə bəsit səhvlərə yol verirdik. Çox güclü komandaya qarşı oynayırdıq. Zəif rəqib olmadığımızı onlara göstərməyə çalışdıq. Məncə, bu, müəyyən qədər bizdə alındı. Matç ərzində 2-3 dəfə şans ‘üçlüy’ü atdılar. Digər tərəfdən, bəsit səhvlər qələbəmizə mane oldu. Rəqibin heyətində milli komanda oyunçuları var”.
Heyət Polşanın “Trefl Sopot” komandasına evində 99:96 hesabı ilə boyun əymişdir. “Abşeron Lions” qrupda ilk məğlubiyyətini qəbul edib, lakin rəqibin təcrübəli heyətinə qarşı müqavimət göstərmişdir.
