Apple iPhone Air modelinin istehsal həcmini əhəmiyyətli dərəcədə azaltmağa başlayıb. Nikkei Asiya-nın təchizat zənciri mənbələrinə istinadən məlumatına görə, bu qərar cihazın əksər beynəlxalq bazarlarda zəif satış nəticələri ilə bağlıdır.
Noyabr aydan iPhone Air üzərində sifarişlər minimum səviyyəyə – demək olar ki, istehsalın son mərhələsinə endiriləcək. Şirkət ilən əvvəl bu modelin yeni smartfonların ümumi həcminin 10-15%-ni təşkil etməsini planlaşdırırdı, lakin Çin xaricində tələb gözlənilənləndən aşağı qalıb. Mənbələrə görə, iPhone Air üçün elektron komponentlər üzərində sifarişlər sentyabrla müqayisədə təxminən 90% azalaraq, istehsalın sonuna yaxınlaşacaq.
Çində iPhone Air saatlar ərzində satılmaqla yaxşı nəticələr göstərmiş olsa da, Şimali Amerika, Avropa və digər regionlarda maraq proqnozları altında qalıb. Analitiklərə görə, bu, ultra-nazik dizaynın batareya ömrü və kamera imkanlarının məhdudluğu ilə bağlıdır. 2025-ci ilin iyun ayından bəri satışa çıxan modelin ümumi sifarişləri 1 milyon ədədə endirilib, halbuki iPhone 17 seriyasının ümumi istehsalı 88 milyondan 94 milyon ədədə qaldırılıb.
Digər tərəfdən, iPhone 17 və iPhone 17 Pro modellərinə tələb analitiklərin proqnozlarından yuxarıdır. Əsas modelin istehsal kvotası təxminən 5 milyon ədəd artırılıb, Pro versiyalarının isə aktiv şəkildə genişləndirilməsi planlaşdırılıb. Bu, Apple-in iPhone 17 seriyasının ümumi satışlarının 2024-cü ildən 15% artmasını təmin edəcək.
