Avropa Yenidənqurma və İnkişaf Bankının (EBRD) Kiçik bizneslər üzrə baş meneceri Samir Həmidovun “StrategEast: Dövlət və İT üzrə Avrasiya Forumu 2025”də səsləndirdiyi fikirlərə görə, Azərbaycandakı startaplar “Star Venture” proqramı vasitəsilə 50 min avroya qədər maliyyə dəstəyi ala bilərlər.
Hazırda 26 bazarda fəaliyyət göstərən bu proqram çərçivəsində artıq 750-dən çox startap yararlanıb. Proqrama qəbul olunan startaplar Kembric Universitetinin ekspertləri tərəfindən geniş biznes qiymətləndirilməsindən keçirlər və seçilənlərə 50 min avroya qədər təlim və məsləhət xidmətlərini maliyyələşdirmə imkanı təqdim olunur. Doğrudur, bu xərclərin hamısı – yəni 100%-i EBRD tərəfindən qarşılanır. Startaplar özlərinə uyğun yerli və ya beynəlxalq mentorları, məsləhətçiləri və təlimləri seçməkdə sərbəstdirlər.
Samir Həmidov vurğulayıb ki, “Star Venture” proqramının iştirakçıları dünya səviyyəli mütəxəssislərlə əməkdaşlıq edir, beynəlxalq forumlarda təmsil olunurlar və investorlarla əlaqələr qurmağa nail olurlar. Proqram müddətində 600-dən çox məsləhət layihəsi həyata keçirilib. Hal-hazırda portfeldə olan startapların dəyəri təxminən 4 milyard avro təşkil edir və onlar indiyədək 157 milyon dollardan çox investisiya cəlb ediblər.
Bu təşəbbüs Azərbaycan startap ekosisteminin inkişafına mühüm dəstək olmaqla, ölkəmizdə rəqəmsal iqtisadiyyatın güclənməsində əhəmiyyətli rol oynayır.
