“Azərbaycan Dəmir Yolları” (ADY) Qapalı Səhmdar Cəmiyyəti bu gündən etibarən ilk dəfə olaraq Gəncə – Qəbələ – Gəncə istiqaməti üzrə müntəzəm sərnişin daşımalarına start verib. Gəncə – Mingəçevir – Gəncə xəttindən sonra istifadəyə verilən bu yeni marşrut regionlararası nəqliyyat əlaqələrini gücləndirməyə və əhalinin hərəkətliliyini artırmağa xidmət edir.
Səfər cədvəli və müddəti: Sərnişinlərin rahatlığı üçün müasir sürət qatarları hər gün aşağıdakı qrafiklə hərəkət edir:
- Gəncədən çıxış: saat 10:10
- Qəbələdən çıxış: saat 18:00
- Yol müddəti: 1 saat 50 dəqiqə
Ümumi uzunluğu 139 km olan bu marşrut üzrə qatarlar Goran, Yevlax, Ləki və Ağdaş stansiyalarında da dayanacaqlar.
Xidmət səviyyəsi və qiymətlər: Sərnişinlərə standart, standart+, biznes və birinci klass olmaqla dörd növ xidmət sinfi təklif olunur. Qiymətlər olduqca münasibdir:
- Gəncə – Qəbələ: minimum 4.30 AZN
- Ləki – Qəbələ: minimum 1.70 AZN
