16 noyabr gecəsi ABŞ-ın Texas ştatının Arlington şəhərindəki AT&T Stadionunda keçmiş ağır çəkidə dünya çempionu Mayk Tayson və məşhur bloger Ceyk Pol arasında böyük maraq doğuran döyüş baş tutdu.
Döyüş rəsmi status daşıyırdı və nəticə hər iki boksçunun statistikasına əlavə edildi. Qarşılaşma 8 raund (hər biri 2 dəqiqə) davam etdi. Nəticədə, 27 yaşlı Ceyk Pol, 58 yaşlı “Dəmir Mayk” üzərində hakimlərin yekdil qərarı ilə qələbə qazandı – 80:72, 79:73, 79:73.
Döyüşün Gedişi
İlk iki raundda Tayson üstün görünürdü və bir neçə dəqiq zərbə ilə Polu geri çəkilməyə məcbur etdi. Lakin üçüncü raunddan etibarən Ceyk Pol tempi artıraraq Taysona bir neçə güclü zərbə endirdi. Tayson bu zərbələrdən sarsılsa da, ayaqda qalmağı bacardı. Dördüncü raundda Polun Taysona qaraciyərinə endirdiyi zərbə əfsanəvi boksçunu daha da çətin vəziyyətə saldı.
Döyüşün ikinci yarısında Pol üstünlük göstərdi. Tayson yorğun görünsə də, rinqdə çox hərəkət etmədən döyüşü davam etdirdi. Hakimlər yekdil qərar çıxararaq Ceyk Polun qələbəsini elan etdilər.
Maraqlı Məlumatlar
- Bu döyüş əslində 20 iyulda keçirilməli idi, lakin Taysonun sağlamlıq problemləri səbəbindən təxirə salınmışdı.
- Mayk Tayson üçün bu, 2005-ci ildən bəri ilk rəsmi döyüş idi. O, həmin döyüşdə texniki nokautla Kevin Makbraitə məğlub olmuşdu.
- Mayk Taysonun ümumi statistikası: 59 döyüş, 50 qələbə (44-ü nokautla), 7 məğlubiyyət və 2 nəticəsiz döyüş.
- Ceyk Polun statistikası: 12 döyüş, 11 qələbə (7-si nokautla), 1 məğlubiyyət.
