21 yaşadək futbolçulardan ibarət Azərbaycan milli komandası bu gün Avropa çempionatının seçmə mərhələsində növbəti oyununu keçirəcək.
Daylinews-az.com xəbər verir ki, Samir Əliyevin rəhbərliyi altında olan milli komandamız Bakıda Serbiya yığmasını qəbul edəcək. Oyun “Dalğa Arena”da saat 19:00-da başlayacaq.
Hazırda Serbiya komandası 8 oyun nəticəsində topladığı 10 xalla qrupda üçüncü yerdə qərarlaşıb. Millimiz isə 7 oyundan 3 xalla qrupda sonuncu, altıncı yerdədir.
Xatırladaq ki, U-21 millimiz sentyabrın 6-da səfərdə Lüksemburqa 0:2 hesabı ilə məğlub olub.
