Bakının Səbail, Suraxanı və Qaradağ rayonlarında qaz təchizatı müvəqqəti olaraq dayandırılacaq. “Azəriqaz”-ın verdiyi məlumata görə, qaz xəttində aşkar edilmiş sızmaların aradan qaldırılması məqsədilə 27 fevral 2025-ci il, saat 10:00-dan etibarən qaz təchizatı dayandırılacaq.
Qaz təchizatı dayandırılacaq ərazilər:
- Səbail rayonu, Badamdar qəsəbəsi:
- Küçələr: Əli Nəzərov, İbrahim Xəlilov, Tofiq Məmmədov, Seymur Məmmədov, Nurəddin Paşayev, Neftçilər küçələri
- Badamdar şosesi və 3-cü yaşayış massivinin bir hissəsi
- Qaradağ rayonu, Lökbatan qəsəbəsi:
- 1-ci, 2-ci, 3-cü, 6-cı yaşayış massivləri
- B.Niftəliyev və İ.Nəbiyev küçələri
- Suraxanı rayonu, Zığ qəsəbəsi:
- Zığ qəsəbəsinin bir hissəsi
Qaz təchizatında yaranacaq fasilə ilə bağlı vətəndaşların əvvəlcədən hazırlıqlı olmaları tövsiyə edilir. “Azəriqaz” təmir işləri başa çatdıqdan sonra qaz təchizatının bərpa olunacağını bildirib.
